ដោយ ៖ ម៉ៅ បុប្ផាមករា
ថ្ងៃទី 22-04-2011 ម៉ោង 17:40:23
ក្រសួងចំណីអាហារ និងឱសថសហរដ្ឋអាមេរិកហៅកាត់ “FDA” បាន ណែនាំដល់ពលរដ្ឋអាមេរិកាំងក៏ដូចជាសាធារណជនដែលរស់នៅគ្រប់ រដ្ឋទាំងអស់ឱ្យមានការប្រុងប្រយ័ត្នខ្ពស់ក្នុងការប្រើប្រាស់ឱស ថមួយចំនួន និងទាមទារឱ្យកាត់បន្ថយកម្រិតការប្រើប្រាស់ប្រភេទឱសថបំបាត់ ការឈឺចាប់ ដូចជាពពួកឱសថ Tylenol ជាដើម និងមានឱសថច្រើនប្រភេទទៀតដែលកំពុងធ្វើចរាចរនៅលើទីផ្សារនាពេលបច្ចុប្បន្ននេះ។
ការ ប្រើប្រាស់ប្រភេទឱសថខាងលើនេះក្នុងបរិមាណតិចតួចក៏ដោយក៏អាច ជួយបំបាត់ជំងឺឈឺចុកចាបឬឈឺចុករោយពេញរាងកាយបានធូរស្បើយ និងទទួលបាននូវលទ្ធផលជាវិជ្ជមានដែរ។ ម្យ៉ាងទៀត ការប្រើប្រាស់ឱសថប្រភេទ Tylenol នេះ ពលរដ្ឋទាំងអស់ ត្រូវតែទទួលការណែនាំពីក្រុមគ្រូពេទ្យ ឬក៏ទទួលបានវេជ្ជបណ្ឌិតជាមុនសិន មុននឹងប្រើប្រាស់វា ដើម្បីចៀសវាងបញ្ហាកើតឡើងនៅពេលក្រោយ។
សូមបញ្ជាក់ថា Tylelno ជាឈ្មោះពាណិជ្ចកម្មរបស់ផលិតផលឱសថម្យ៉ាងដោយវាបានមកពីការផ្សំនូវរូបមន្ដឱសថមួយប្រភេទដែលមានឈ្មោះថា Acemitanophen ហើយ វាជាប្រភេទឱសថមួយប្រភេទដែលទទួលការពេញនិយមដល់អ្នកប្រើ ប្រាស់ទូទៅទៀតផង ព្រោះវាជាឱសថជួយសម្រួលនៅពេលមានអាការៈក្ដៅក្រហាយលើរាងកាយ (ការរលាក) ការឈឺចុករោយពេញរាងកាយ និងការចុកស្រពន់ដៃជើងផងដែរ។
ជាងនេះទៅទៀត ឱសថ Tylenol នេះ ពុំមានផលប៉ះពាល់អ្វីឡើយសុខភាព ក៏ដូចជាប្រព័ន្ធផ្សេងៗនៅក្នុងស៌ពាង្គកាយ។ ប៉ុន្ដែឱសថផ្សេងៗទៀតក្នុងនោះ មានពពួកឱសថ Aspirin និង Ibuprofen ជាប្រភេទឱសថដែលបង្កឱ្យមានគ្រោះថ្នាក់ដល់ប្រដាប់រំលាយអាហារ (ក្រពះ និងពោះវៀន) ហើយអាចធ្វើឱ្យមានការរលាក និងហូរឈាមផងដែរ។
មិនតែប៉ុណ្ណោះ Tylenol ក៏ ត្រូវបានគេរកឃើញផងដែរ អំពីសារធាតុរបស់វាមួយចំនួនដែលត្រូវបានគេដាក់បញ្ចូលនៅក្នុង ល្បាយចំរុះគ្នាក្នុងនោះមាន ពពួកឱសថ Vicodin និង Percocet ដែលជាប្រភេទឱសថប្រើសម្រាប់ព្យាបាលជំងឺក្អក។
គួរបញ្ចាក់ថា FDA បាន ផ្ដល់អនុសាសន៍ដ៏ល្អដល់ពលរដ្ឋអាមេរិកាំងទាំងអស់ ហើយពួកគេត្រូវតែទទួលការណែនាំជាមុនសិនមុនពេលយកឱសថ ទៅប្រើប្រាស់ដើម្បីជៀសវាងជួបគ្រោះថ្នាក់ និងខាតបង់ប្រាក់កាក់ថែមទៀត៕
0 comments:
Post a Comment