ដោយ ៖ ម៉ៅ បុប្ផាមករា
ថ្ងៃទី 28-04-2011 ម៉ោង 18:20:23
ដោយ ៖ ម៉ៅ បុប្ផាមករា
ថ្ងៃទី 28-04-2011 ម៉ោង 18:20:23
អាស្ពៀរីន “Aspirin” អាច ជួយកែរោគអស់កម្លាំងបាន។ យោងតាមការសិក្សាស្រាវជ្រាវថ្មីមួយរបស់ក្រុមអ្នកស្រាវជ្រាវអាមេ រិកបានរកឃើញ និងគូសបញ្ជាក់ថា ឱសថអាស្ពៀរីន ពិតជាមានប្រយោជន៍ច្រើន ដោយវាអាចជួយកែរោគអស់កម្លាំង និងអាចជួយបំបាត់រោគហើមប៉ោង។
តាម ការចុះផ្សាយមួយដោយក្រុមអ្នកវិទ្យាសាស្ដ្រជាតិបានឱ្យដឹងថា មានពលរដ្ឋជាច្រើននៅលើពិភពលោកតែងតែមានរោគអស់កម្លាំងកើតឡើង ក្នុងនោះយ៉ាងហោចណាស់ម្នាក់ក្នុងចំណោម មនុស្ស៥នាក់ដែលមានរោគនេះ ហើយពួកគេនឹងមិនអាចទទួលផលពីការប្រើប្រាស់ឱសថដើម្បីជួយឱ្យ កម្លាំងរបស់ពួកគេកើនឡើងវិញបាន។ ទើបតែពេលថ្មីៗនេះក្រុមអ្នកស្រាវជ្រាវបានរកឃើញថា ឱសថអាស្ពៀរីន ពិតជាអាចជួយកែរោគមួយនេះបានប្រាកដមែន។
ក្រុម អ្នកស្រាវជ្រាវមួយចំនួនមកពីសាកលវិទ្យាល័យមួយនៅទីក្រុងញូវ យ៉កបានលើកឡើងថា ភាគច្រើននៅពេលអស់កម្លាំង គេតែងតែប្រើប្រាស់នូវឱសថដើម្បីជួយបង្កើនកម្លាំង តែវាមិនសូវមានប្រសិទ្ធភាពប៉ុន្មានឡើយ ផ្ទុយទៅវិញឱសថទាំងនោះអាចបង្កបញ្ហាផ្សេងៗ បាននៅពេលដែលការប្រើប្រាស់មិនសមស្រប និងមិនបានទទួលការណែនាំត្រឹមត្រូវទេនោះ។ ប៉ុន្ដែនៅពេលគេយកឱសថអាស្ពៀរីនមកធ្វើការពិសោធន៍ ទើបអាចដឹងថា វាមានផលល្អសម្រាប់អ្នកដែលជួបបញ្ហាអស់កម្លាំង និងមិនមានផលប៉ះពាល់ធ្ងន់ធ្ងរដល់សុខភាពនោះឡើយ។
កន្លងមកគេបានស្គាល់ និងដឹងច្បាស់ថា ប្រភេទឱសថដែលជួយកែរោគអស់កម្លាំង គេតែងប្រើពពួក Prozac, Paxil, Lexapro និង Zoloft ប៉ុន្ដែ នៅពេលប្រើមិនសមស្របវានឹងបង្កជាបញ្ហាមិនខានឡើយ តែការប្រើឱសថអាស្ពៀរីនវិញ មិនមានអ្វីធ្ងន់ធ្ងរឡើយ។
ក្រុម អ្នកស្រាវជ្រាវមួយចំនួនក៏ធ្លាប់បានពិសោធឱសថមួយចំនួនដោយចាក់ បញ្ចូលក្នុងខួរក្បាលសត្វកណ្ដុរដែរដោយពួកគេប្រើឱសថប្រឆាំងនឹង ការរោគហើមប៉ោង លទ្ធផលបានបញ្ជាក់ថាមានលក្ខណៈប្រសើរ។
ក្រោយ មក ក្រុមអ្នកវិទ្យាសាស្ដ្របានសាកល្បងប្រើឱសថដើម្បីប្រឆាំងរោគ អស់កម្លាំងលើកុមារដែលមានវ័យ៧ឆ្នាំ ឬលើសពីនេះ លទ្ធផលបានបញ្ជាក់ថា វាពិតជាមានលក្ខណៈល្អប្រសើរ ដោយការសាកល្បងនោះត្រូវបានគេចុះផ្សាយជាលើកដំបូងនៅក្នុងឆ្នាំ ២០០៦៕
0 comments:
Post a Comment